An Ciste
Infheistíochta
Gaeilge 

Is ciste forbartha caipitil é An Ciste Infheistíochta Gaeilge (An Ciste).

Bunaíodh Ciste Infheistíochta na Gaeilge (An Ciste) i 2010 i ndiaidh caibidlí Chromghlinne. An fheidhm a sannadh dó ná tacú le forbairt pobail Ghaeilge. Go príomha, ba é ról An Chiste ná cuidiú le mórthionscadail chaipitiúla bonneagair a dhéanfadh freastal ar riachtanais shóisialta, eacnamaíocha agus cultúrtha na bpobal Gaeilge. Ó bhí 2010 ann, tá ról lárnach ag An Ciste Infheistíochta Gaeilge, i gcomhpháirt le réimse foras poiblí, ag freastal ar riachtanais earnála Gaeilge atá ag fás as cuimse. Bhí ionchur An Chiste an-tábhachtach i gcur i gcrích líon mor éagsúil de thionscadail infheistíochta pobail go dtí seo. Is aitheantas é do rath An Chiste sa réimse seo go bhfuil maoiniú Céim a Dó anois cinntithe mar chuid de Chomhaontú Ré Nua Cur Chuige Nua Eanáir 2020.