Is éard a bhí i gceist leis seo seanfhoirgnimh Halla Naomh Cainnigh i lár na Príomhshráide a cheannach agus a athchóiriú, go príomha lena úsáid mar Chultúrlann le haghaidh imeachtaí chun an Ghaeilge agus an chultúir a chur chun cinn. Baile nádúrtha do theaghlaigh áitiúla atá san áis nua seo, teaghlaigh a bhfuil baint acu le hearnáil na Gaelscolaíochta ar an bhaile, idir bhunscoil agus mheánscoil, agus tá an-tóir ar an áit i measc an phobail mhóir. I measc na n-imeachtaí a bhíonn ar siúl ann tá ranganna Gaeilge agus seisiúin chomhrá, ranganna damhsa, grúpaí do mháithreacha agus tachráin, ranganna sa cheol traidisiúnta, imeachtaí don óige, ióga, siamsaíocht ghinearálta agus imeachtaí don mhórphobal.